SAN XOÁN

FESTA DO SAN XOÁN

"Polo San Xoán a sardiña molla o pan"

 Pequenos mouros e mouras, chega o San Xoán, a noite máis máxica e máis curta do ano!!. 

Celébrase do 23 ao 24 de xuño e anuncia a chegada da estación do verán.

Noite de meigas e bruxas, de cacharelas ou xantares populares con sardiñas, cachelos e pan de millo ao redor dunha fogueira que saltaremos a media noite.

E por ser unha das festas con maior tradición de Galicia, imos coñecer algúns dos ritos máis populares que se fan ao longo dese día:

Primeiro prepararemos a auga de San Xoán coas herbas aromáticas

Logo faremos os ramos para protexer a casa

Por último saltaremos a fogueira recitando o conxuro máxico

Gozade moito desta  noite, pequenos mouros e mouras, se facedes a auga ou os ramos podedes mandarme as fotos. E estade atentos por se avistades algunha meiga voando sobre a fogueira!

Unha aperta máxica!!